Biz Haqimizda

Kompaniyamiz 2019-yil 19-aprelda Toshkentda Turkiyaning eng yirik sanoat guruhlaridan biri bo‘lgan Cengiz Holding kompaniyasining energetika sohasidagi tajribasi va bilimlarini O‘zbekistonga olib kelish maqsadida tashkil etilgan. Qisqa muddatda Toshkent va Sirdaryoda umumiy quvvati 480 megavatt bo‘lgan ikkita gaz-turbina elektr stansiyasi qurilishini muvaffaqiyatli yakunlab, foydalanishga topshirdik. Ayni paytda uchinchi obyekt – Jizzaxdagi 550 MVt quvvatli elektr stansiyasi qurilishini davom ettirmoqdamiz. O‘zbekiston energetika xavfsizligini ta’minlashga yo‘naltirilgan salmoqli investitsiyalar tufayli kompaniyamiz yaqin kelajakda mamlakat energetika infratuzilmasini yanada mustahkamlash uchun yangi loyihalarni amalga oshirish niyatida.